原來香港歌手想賺人仔，唔一定上節目登台唱歌㗎。Eric孫耀威就醒啦，發掘到條新財路，做直播網紅，據聞彈琴唱歌兩粒鐘就大賺7位數港幣，吸金力相當強勁！佢自己都話意想不到：「原來網紅嘅收入係好勁，我今次做咗先知道。」 

相信其他歌手之後都會開始仿傚，但都唔係話想做就做到，Eric話香港藝人暫時好難喺內地直播平台做到實名認證，佢自己都用咗大半年時間同干台方面溝通，爭取同內地藝人一樣做直播，最後先成功成為第一個香港實名認證藝人。實名認證有咩用？簡單嚟講，認證咗先可以拎到版稅。