加国头条 i4cc.ca ｜《万叶集》【日】佚名（上）

第一次爱的人王心凌 - 爱你

简介：万叶集是日本最早的诗歌总集，在日本其实相当于《诗经》在中国的地位。

万叶集巻一

第一巻

雜歌

[題詞]泊瀬朝倉宮御宇天皇代 [<大>泊瀬稚武天皇]/ 天皇御製歌

[原文]篭毛與美篭母乳布久思毛與美夫君志持此岳尓菜採須兒家吉閑名告<紗>根虚見津山跡乃國者押奈戸手吾許曽居師<吉>名倍手吾己曽座我<許>背齒告目家呼毛名雄母

[訓読]篭もよみ篭持ち堀串もよみ堀串持ちこの岡に菜摘ます子家聞かな告らさね

大和の国はおしなべて我れこそ居れしきなべて我れこそ座せ我れこそばそらみつ

告らめ家をも名をも

[仮名],こもよ,みこもち,ふくしもよ,みぶくしもち,このをかに,なつますこ,いへきかな,のらさね,そらみつ,やまとのくには,おしなべて,われこそをれ,しきなべて,われこそませ,われこそば,のらめ,いへをもなをも

[左注]

[校異]雑歌 [元][紀] <> / 太大 [紀][冷][文] / 吉 [玉小琴](塙)(楓) 告 /沙紗 [元][類][冷]/ 告吉 [玉小琴] / 許者許 [元][類][古]

[,,],雑歌,作者:雄略天皇,朝倉宮,野遊び,演劇,妻問い,予祝,枕詞,地名,奈良

--------------------------------------------------------------------------------

[題詞]高市岡本宮御宇天皇代 [息長足日廣額天皇] / 天皇登香具山望國之時御製歌

[原文]山常庭村山有等取與呂布天乃香具山騰立國見乎為者國原波煙立龍海原波加萬目立多都怜,國曽蜻嶋八間跡能國者

[訓読]大和には群山あれどとりよろふ天の香具山登り立ち国見をすれば国原は煙立ち立つ海原は鴎立ち立つうまし国ぞ蜻蛉島大和の国は

[仮名],やまとには,むらやまあれど,とりよろふ,あめのかぐやま,のぼりたち,くにみをすれば,くにはらは,けぶりたちたつ,うなはらは,かまめたちたつ,うましくにぞ,あきづしま,やまとのくには

[左注]

[校異]

[,,],雑歌,作者:舒明天皇,飛鳥,国見,予祝,枕詞,地名,動物,奈良,土地讃美,寿歌

--------------------------------------------------------------------------------

[題詞]天皇遊猟内野之時中皇命使間人連老獻歌

[原文]八隅知之我大王乃朝庭取撫賜夕庭伊縁立之御執乃梓弓之奈加弭乃音為奈利朝猟尓今立須良思暮猟尓今他田渚良之御執<能><梓>弓之奈加弭乃音為奈里

[訓読]やすみしし我が大君の朝には取り撫でたまひ夕にはい寄り立たししみ執らしの梓の弓の中弭の音すなり朝猟に今立たすらし夕猟に今立たすらしみ執らしの梓の弓の中弭の音すなり

[仮名],やすみしし,わがおほきみの,あしたには,とりなでたまひ,ゆふへには,いよりたたしし,みとらしの,あづさのゆみの,なかはずの,おとすなり,あさがりに,いまたたすらし,ゆふがりに,いまたたすらし,みとらしの,あづさのゆみの,なかはずの,おとすなり

[左注]

[校異]梓能能梓 [元]

[,,],雑歌,作者:中皇命:間人老,五条市,代作,弓讃め,狩猟,宴席,地名,枕詞,寿歌

--------------------------------------------------------------------------------

[題詞](天皇遊猟内野之時中皇命使間人連老獻歌)反歌

[原文]玉尅春内乃大野尓馬數而朝布麻須等六其草深野

[訓読]たまきはる宇智の大野に馬並めて朝踏ますらむその草深野

[仮名],たまきはる,うちのおほのに,うまなめて,あさふますらむ,そのくさふかの

[左注]

[校異]尅 (塙)(楓) 剋

[,,],雑歌,作者:中皇命:間人老,五条市,代作,弓讃め,狩猟,宴席,地名

--------------------------------------------------------------------------------

[題詞]幸讃岐國安益郡之時軍王見山作歌

[原文]霞立長春日乃晩家流和豆肝之良受村肝乃心乎痛見奴要子鳥卜歎居者珠手次懸乃宜久遠神吾大王乃行幸能山越風乃獨<座>吾衣手尓朝夕尓還比奴礼婆大夫登念有我母草枕客尓之有者思遣鶴寸乎白土網能浦之海處女等之焼塩乃念曽所焼吾下情

[訓読]霞立つ長き春日の暮れにけるわづきも知らずむらきもの心を痛みぬえこ鳥うら泣け居れば玉たすき懸けのよろしく遠つ神我が大君の行幸の山越す風のひとり居る我が衣手に朝夕に返らひぬれば大夫と思へる我れも草枕旅にしあれば思ひ遣るたづきを知らに網の浦の海人娘子らが焼く塩の思ひぞ焼くる我が下心

[仮名],かすみたつ,ながきはるひの,くれにける,わづきもしらず,むらきもの,こころをいたみ,ぬえこどり,うらなけをれば,たまたすき,かけのよろしく,とほつかみ,わがおほきみの,いでましの,やまこすかぜの,ひとりをる,わがころもでに,あさよひに,かへらひぬれば,ますらをと,おもへるわれも,くさまくら,たびにしあれば,おもひやる,たづきをしらに,あみのうらの,あまをとめらが,やくしほの,おもひぞやくる,わがしたごころ

亦軍王未詳也但山上憶良大夫類聚歌林曰記曰天皇[左注](右檢日本書紀無幸於讃岐國

十一年己亥冬十二月己巳朔壬午幸于伊<与>温湯宮[云々] 一<書> 是時宮前在二樹木此之二樹斑鳩比米二鳥大集時勅多挂稲穂而養之乃作歌[云々] 若疑従此便幸之歟)

[校異]懸 [元][類][紀] 縣 / 居座 [元][類][古]

[,,],雑歌,作者:軍王,望郷,香川,行幸,羈旅,大夫,枕詞,地名

--------------------------------------------------------------------------------

[題詞](讃岐國安益郡之時軍王見山作歌)反歌

[原文]山越乃風乎時自見寐<夜>不落家在妹乎懸而小竹櫃

[訓読]山越しの風を時じみ寝る夜おちず家なる妹を懸けて偲ひつ

[仮名],やまごしの,かぜをときじみ,ぬるよおちず,いへなるいもを,かけてしのひつ

[左注]右檢日本書紀無幸於讃岐國亦軍王未詳也但山上憶良大夫類聚歌林曰記曰天皇十一年己亥冬十二月己巳朔壬午幸于伊<与>温湯宮[云々]一<書> 是時宮前在二樹木此之

時勅多挂稲穂而養之乃作歌[云々] 若疑従此便幸之歟二樹斑鳩比米二鳥大集

[校異]<> 夜 [西(右書)][元][類][冷] / 豫与 [元][類][古] / 書云書 [元][類][紀] / 乃 [元][紀]仍

[,,],雑歌,作者:軍王,望郷,香川,行幸,羈旅,大夫,地名

--------------------------------------------------------------------------------

[題詞]明日香川原宮御宇天皇代 [天豊財重日足姫天皇] / 額田王歌 [未詳]

[原文]金野乃美草苅葺屋杼礼里之兎道乃宮子能借五百礒所念

[訓読]秋の野のみ草刈り葺き宿れりし宇治の宮処の仮廬し思ほゆ

[仮名],あきののの,みくさかりふき,やどれりし,うぢのみやこの,かりいほしおもほゆ

右檢山上憶良大夫類聚歌林曰一書戊申年幸比良宮大御歌但紀曰五年春正月己卯[左注]

朔辛巳天皇至自紀温湯三月戊寅朔天皇幸吉野宮而肆宴焉庚辰日天皇幸近江之平浦

[校異]辰 [元][冷] 辰ム

[,,],雑歌,作者:額田王,京都,回想,羈旅,地名

--------------------------------------------------------------------------------

[題詞]後岡本宮御宇天皇代 [天豊財重日足姫天皇位後即位後岡本宮] / 額田王歌

[原文]熟田津尓船乗世武登月待者潮毛可奈比沼今者許藝乞菜

[訓読]熟田津に船乗りせむと月待てば潮もかなひぬ今は漕ぎ出でな

[仮名],にぎたつに,ふなのりせむと,つきまてば,しほもかなひぬ,いまはこぎいでな

[左注]右檢山上憶良大夫類聚歌林曰飛鳥岡本宮御宇天皇元年己丑九年丁<酉>十二月己巳朔壬午天皇大后幸于伊豫湯宮後岡本宮馭宇天皇七年辛酉春正月丁酉朔<壬>寅御船西征始

庚戌御船泊于伊豫熟田津石湯行宮天皇御覧昔日猶存之物當時忽起感愛之情所就于海路

以因製歌詠為之哀傷也即此歌者天皇御製焉但額田王歌者別有四首

[校異]即位 [元][冷][紀](塙) 即 / 酋酉 [元][冷][紀] / 丙壬 [西(右書)][紀]

[,,],雑歌,作者:額田王,道後温泉,愛媛,舟遊び,熟田津,代作,地名

--------------------------------------------------------------------------------

[題詞]幸于紀温泉之時額田王作歌

[原文]莫囂圓隣之大相七兄爪謁氣吾瀬子之射立為兼五可新何本

[訓読]莫囂円隣之大相七兄爪謁気我が背子がい立たせりけむ厳橿が本

[仮名],*****,*******,わがせこが,いたたせりけむ,いつかしがもと

[左注]

[校異]謁 [元][類][紀] 湯

[,,],雑歌,作者:額田王,紀州,和歌山,難訓,厳橿,斎橿,植物

--------------------------------------------------------------------------------

[題詞]中皇命徃于紀温泉之時御歌

君之齒母吾代毛所知哉磐代乃岡之草根乎去来結手名 [原文]

[訓読]君が代も我が代も知るや岩代の岡の草根をいざ結びてな

[仮名],きみがよも,わがよもしるや,いはしろの,をかのくさねを,いざむすびてな

[左注](右檢山上憶良大夫類聚歌林曰天皇御製歌[云々])

[校異]磐 [元][冷][古] 盤

[,,],雑歌,作者:中皇命:間人皇女,紀州,和歌山,羈旅,異伝,手向け,植物

--------------------------------------------------------------------------------

[題詞](中皇命徃于紀温泉之時御歌)

[原文]吾勢子波借廬作良須草無者小松下乃草乎苅核

[訓読]我が背子は仮廬作らす草なくは小松が下の草を刈らさね

[仮名],わがせこは,かりほつくらす,かやなくは,こまつがしたの,かやをからさね

[左注](右檢山上憶良大夫類聚歌林曰天皇御製歌[云々])

[校異]

[,,],雑歌,作者:中皇命:間人皇女,紀州,和歌山,異伝,羈旅,植物

--------------------------------------------------------------------------------

[題詞](中皇命徃于紀温泉之時御歌)

[原文]吾欲之野嶋波見世追底深伎阿胡根能浦乃珠曽不拾 [或頭云吾欲子嶋羽見遠]

[訓読]我が欲りし野島は見せつ底深き阿胡根の浦の玉ぞ拾はぬ [或頭云我が欲りし子島は見しを]

[仮名],わがほりし,のしまはみせつ,そこふかき,あごねのうらの,たまぞひりはぬ,[わがほりし,こしまはみしを]

[左注]右檢山上憶良大夫類聚歌林曰天皇御製歌[云々]

[校異]

[,,],雑歌,作者:中皇命:間人皇女,紀州,和歌山,羈旅,異伝,魂触り

--------------------------------------------------------------------------------

[題詞]中大兄[近江宮御宇天皇]<三山歌>

[原文]高山波雲根火雄男志等耳梨與相諍競伎神代従如此尓有良之古昔母然尓有許曽虚蝉毛嬬乎相<挌>良思吉

[訓読]香具山は畝傍を愛しと耳成と相争ひき神代よりかくにあるらし古もしかにあれこそうつせみも妻を争ふらしき

[仮名],かぐやまは,うねびををしと,みみなしと,あひあらそひき,かむよより,かくにあるらし,いにしへも,しかにあれこそ,うつせみも,つまを,あらそふらしき

[左注]

[校異]三山歌一首三山歌 [元][紀][古] / 格挌 [元][冷][文][紀]

[,,],雑歌,作者:中大兄:天智,三山歌,兵庫,妻争い,羈旅,地名,伝説

--------------------------------------------------------------------------------

[題詞](中大兄[近江宮御宇天皇]<三山歌>)反歌

[原文]高山与耳梨山与相之時立見尓来之伊奈美國波良

[訓読]香具山と耳成山と闘ひし時立ちて見に来し印南国原

[仮名],かぐやまと,みみなしやまと,あひしとき,たちてみにこし,いなみくにはら

[左注]

[校異]

[,,],雑歌,作者:中大兄:天智,三山歌,兵庫,妻争い,羈旅,地名,伝説

--------------------------------------------------------------------------------

[題詞]((中大兄[近江宮御宇天皇]<三山歌>)反歌)

渡津海乃豊旗雲尓伊理比<紗>之今夜乃月夜清明己曽[原文]

[訓読]海神の豊旗雲に入日さし今夜の月夜さやけくありこそ

[仮名],わたつみの,とよはたくもに,いりひさし,こよひのつくよ,さやけくありこそ

[左注]右一首歌今案不似反歌也但舊本以此歌載於反歌故今猶載此次亦紀曰天豊財重日足姫天皇先四年乙巳立天皇為皇太子

[校異]祢紗 [澤潟注釈] [元][類][冷] 弥

[,,],雑歌,作者:中大兄:天智,三山歌,兵庫,妻争い,羈旅

--------------------------------------------------------------------------------

[題詞]近江大津宮御宇天皇代 [天命開別天皇謚曰天智天皇] / 天皇詔内大臣藤原朝臣競憐春山萬花之艶秋山千葉之彩時額田王以歌判之歌

[原文]冬木成春去来者不喧有之鳥毛来鳴奴不開有之花毛佐家礼抒山乎茂入而毛不取草深執手母不見秋山乃木葉乎見而者黄葉乎婆取而曽思努布青乎者置而曽歎久曽許之恨之秋山吾者

[訓読]冬こもり春さり来れば鳴かずありし鳥も来鳴きぬ咲かずありし花も咲けれど山を茂み入りても取らず草深み取りても見ず秋山の木の葉を見ては黄葉をば取りてぞ偲ふ青きをば置きてぞ嘆くそこし恨めし秋山吾は

[仮名],ふゆこもり,はるさりくれば,なかずありし,とりもきなきぬ,さかずありし,はなもさけれど,やまをしみ,いりてもとらず,くさふかみ,とりてもみず,あきやまの,このはをみては,もみちをば,とりてぞしのふ,あをきをば,おきてぞなげく,そこしうらめし,あきやまわれは

[左注]

[校異]

[,,],雑歌,作者:額田王,近江朝,大津,春秋優劣,植物,枕詞,宮廷

--------------------------------------------------------------------------------

[題詞]額田王下近江國時<作>歌井戸王即和歌

[原文]味酒三輪乃山青丹吉奈良能山乃山際伊隠萬代道隈伊積流萬代尓委曲毛見管行武雄數々毛見放武八萬雄情無雲乃隠障倍之也

[訓読]味酒三輪の山あをによし奈良の山の山の際にい隠るまで道の隈い積もるまでにつばらにも見つつ行かむをしばしばも見放けむ山を心なく雲の隠さふべしや

[仮名],うまさけ,みわのやま,あをによし,ならのやまの,やまのまに,いかくるまで,みちのくま,いつもるまでに,つばらにも,みつつゆかむを,しばしばも,みさけむやまを,こころなく,くもの,かくさふべしや

[左注](右二首歌山上憶良大夫類聚歌林曰遷都近江國時御覧三輪山御歌焉日本書紀曰六年丙寅春三月辛酉朔己卯遷都于近江)

[校異]<> 作 [元][類][紀]

[,,],雑歌,作者:額田王,天智,代作,三輪山,鎮魂,国魂,枕詞,地名

--------------------------------------------------------------------------------

[題詞](額田王下近江國時<作>歌井戸王即和歌)反歌

三輪山乎然毛隠賀雲谷裳情有南畝可苦佐布倍思哉[原文]

[訓読]三輪山をしかも隠すか雲だにも心あらなも隠さふべしや

[仮名],みわやまを,しかもかくすか,くもだにも,こころあらなも,かくさふべしや

[左注]右二首歌山上憶良大夫類聚歌林曰遷都近江國時御覧三輪山御歌焉日本書紀曰六年丙寅春三月辛酉朔己卯遷都于近江

[校異]畝 [類] 武

[,,],雑歌,作者:額田王,天智,代作,三輪山,鎮魂,国魂,地名

--------------------------------------------------------------------------------

[題詞]((額田王下近江國時<作>歌井戸王即和歌)反歌)

[原文]綜麻形乃林始乃狭野榛能衣尓著成目尓都久和我勢

[訓読]綜麻形の林のさきのさ野榛の衣に付くなす目につく吾が背

[仮名],へそかたの,はやしのさきの,さのはりの,きぬにつくなす,めにつくわがせ

[左注]右一首歌今案不似和歌但舊本載于此次故以猶載焉

[校異]

[,,],雑歌,作者:井戸王,三輪山,和歌,古歌,植物,枕詞

--------------------------------------------------------------------------------

[題詞]天皇遊猟蒲生野時額田王作歌

[原文]茜草指武良前野逝標野行野守者不見哉君之袖布流

[訓読]あかねさす紫野行き標野行き野守は見ずや君が袖振る

あかねさす,むらさきのゆき,しめのゆき,のもりはみずや,きみがそでふる[仮名],

[左注](紀曰天皇七年丁卯夏五月五日縦猟於蒲生野于時<大>皇弟諸王内臣及群臣皆悉従焉)

[校異]

[,,],雑歌,作者:額田王,滋賀,野遊び,求婚,宴席,枕詞,植物

--------------------------------------------------------------------------------

[題詞](天皇遊猟蒲生野時額田王作歌)皇太子答御歌 [明日香宮御宇天皇謚曰天武天皇]

[原文]紫草能尓保敝類妹乎尓苦久有者人嬬故尓吾戀目八方

[訓読]紫のにほへる妹を憎くあらば人妻故に我れ恋ひめやも

[仮名],むらさきの,にほへるいもを,にくくあらば,ひとづまゆゑに,われこひめやも

紀曰天皇七年丁卯夏五月五日縦猟於蒲生野于時<大>皇弟諸王内臣及群臣皆悉従[左注]

焉

[校異]天大 [元][冷][紀] / 皆悉 [元][冷] 悉皆

[,,],雑歌,作者:大海人,天武,滋賀,野遊び,求婚,宴席,枕詞

--------------------------------------------------------------------------------

[題詞]明日香清御原宮天皇代 [天渟中原瀛真人天皇謚曰天武天皇] / 十市皇女参赴於伊勢神宮時見波多横山巌吹,刀自作歌

[原文]河上乃湯津盤村二草武左受常丹毛冀名常處女煮手

[訓読]川の上のゆつ岩群に草生さず常にもがもな常処女にて

[仮名],かはのへの,ゆついはむらに,くさむさず,つねにもがもな,とこをとめにて

[左注]吹,刀自未詳也但紀曰天皇四年乙亥春二月乙亥朔丁亥十市皇女阿閇皇女参赴於伊勢神宮

[校異]盤 [文][温] 磐

[,,],雑歌,作者:吹,刀自,十市皇女,阿閇皇女,三重,予祝

--------------------------------------------------------------------------------

[題詞]麻續王流於伊勢國伊良虞嶋之時人哀傷作歌

[原文]打麻乎麻續王白水郎有哉射等篭荷四間乃珠藻苅麻須

[訓読]打ち麻を麻続の王海人なれや伊良虞の島の玉藻刈ります

[仮名],うちそを,をみのおほきみ,あまなれや,いらごのしまの,たまもかります

[左注](右案日本紀曰天皇四年乙亥夏四月戊戌朔乙卯三位麻續王有罪流于因幡一子流伊豆嶋一子流血鹿嶋也是云配于伊勢國伊良虞嶋者若疑後人縁歌辞而誤記乎)

[校異]

[,,],雑歌,作者:時人,麻続王,愛知,伝承,枕詞,地名,植物

--------------------------------------------------------------------------------

[題詞](麻續王流於伊勢國伊良虞嶋之時人哀傷作歌)麻續王聞之感傷和歌

[原文]空蝉之命乎惜美浪尓所濕伊良虞能嶋之玉藻苅食

[訓読]うつせみの命を惜しみ波に濡れ伊良虞の島の玉藻刈り食む

[仮名],うつせみの,いのちををしみ,なみにぬれ,いらごのしまの,たまもかりはむ

[左注]右案日本紀曰天皇四年乙亥夏四月戊戌朔乙卯三位麻續王有罪流于因幡一子流伊豆嶋一子流血鹿嶋也是云配于伊勢國伊良虞嶋者若疑後人縁歌辞而誤記乎

[校異]

[,,],雑歌,作者:麻続王,愛知,伝承,歌語り,枕詞,植物,地名

--------------------------------------------------------------------------------

[題詞]天皇御製歌

[原文]三吉野之耳我嶺尓時無曽雪者落家留間無曽雨者零計類其雪乃時無如其雨乃間無如隈毛不落 <念>乍叙来其山道乎

[訓読]み吉野の耳我の嶺に時なくぞ雪は降りける間無くぞ雨は振りけるその雪の時なきがごとその雨の間なきがごと隈もおちず思ひつつぞ来しその山道を

[仮名],みよしのの,みみがのみねに,ときなくぞ,ゆきはふりける,まなくぞ,あめはふりける,そのゆきの,ときなきがごと,そのあめの,まなきがごと,くまもおちず,おもひつつぞこし,そのやまみちを

[左注]

[校異]思念 [元][類][紀][古]

[,,],雑歌,作者:大海人:天武,異伝,吉野,民謡,地名

--------------------------------------------------------------------------------

[題詞](天皇御製歌)或本歌

[原文]三芳野之耳我山尓時自久曽雪者落等言無間曽雨者落等言其雪不時如其雨無間如隈毛不堕思乍叙来其山道乎

[訓読]み吉野の耳我の山に時じくぞ雪は降るといふ間なくぞ雨は降るといふその雪の時じきがごとその雨の間なきがごと隈もおちず思ひつつぞ来るその山道を

[仮名],みよしのの,みみがのやまに,ときじくぞ,ゆきはふるといふ,まなくぞ,あめはふるといふ,そのゆきの,ときじきがごと,そのあめの,まなきがごと,くまもおちず,おもひつつぞくる,そのやまみちを

[左注]右句々相換因此重載焉

[校異]

[,,],雑歌,作者:大海人:天武,異伝,吉野,民謡,13/3260,13/3293,地名

--------------------------------------------------------------------------------

[題詞]天皇幸于吉野宮時御製歌

[原文]淑人乃良跡吉見而好常言師芳野吉見<与> 良人四来三

[訓読]淑き人のよしとよく見てよしと言ひし吉野よく見よ良き人よく見

[仮名],よきひとの,よしとよくみて,よしといひし,よしのよくみよ,よきひとよくみ

[左注]紀曰八年己卯五月庚辰朔甲申幸于吉野宮

[校異]多与 [元(朱)] [寛] 與 [西(右書)] 欲

[,,],雑歌,作者:大海人:天武,吉野,行幸,地名,土地讃美

--------------------------------------------------------------------------------

[題詞]藤原宮御宇天皇代[高天原廣野姫天皇元年丁亥十一年譲位軽太子 <尊>号曰太上天皇] / 天皇御製歌

[原文]春過而夏来良之白妙能衣乾有天之香来山

[訓読]春過ぎて夏来るらし白栲の衣干したり天の香具山

[仮名],はるすぎて,なつきたるらし,しろたへの,ころもほしたり,あめのかぐやま

[左注]

[校異]<> 尊 [元][冷][紀]

[,,],雑歌,作者:持統天皇,飛鳥,季節,地名,枕詞

--------------------------------------------------------------------------------

[題詞]過近江荒都時柿本朝臣人麻呂作歌

[原文]玉手次畝火之山乃橿原乃日知之御世従 [或云自宮] 阿礼座師神之<盡> 樛木乃弥継嗣尓天下所知食之乎 [或云食来]天尓満倭乎置而青丹吉平山乎超 [或云虚見倭乎置青丹吉平山越而] 何方御念食可 [或云所念計米可] 天離夷者雖有石走淡海國乃樂浪乃大津宮尓天下所知食兼天皇之神之御言能大宮者此間等雖聞大殿者此間等雖云春草之茂生有霞立春日之霧流 [或云霞立春日香霧流夏草香繁成奴留] 百礒城之大宮處見者悲<毛> [或云見者左夫思毛]

[訓読]玉たすき畝傍の山の橿原のひじりの御代ゆ [或云宮ゆ] 生れましし神のこと

いや継ぎ継ぎに天の下知らしめししを [或云めしける] そらにみつ大ごと栂の木の

和を置きてあをによし奈良山を越え [或云そらみつ大和を置きあをによし奈良山越えて] いかさまに思ほしめせか [或云思ほしけめか]天離る鄙にはあれど石走る近江の国の楽浪の大津の宮に天の下知らしめしけむ天皇の神の命の大宮はここと聞けども大殿はここと言へども春草の茂く生ひたる霞立つ春日の霧れる [或云霞立つ春日か霧れる夏草か茂くなりぬる] ももしきの大宮ところ見れば悲しも [或云見れば寂しも]

[仮名],たまたすき,うねびのやまの,かしはらの,ひじりのみよゆ,[みやゆ],あれましし,かみのことごと,つがのきの,いやつぎつぎに,あめのした,しらしめししを,[めしける],そらにみつ,やまとをおきて,あをによし,ならやまをこえ,[そらみつ,やまとをおき,あをによし,ならやまこえて],いかさまに,おもほしめせか,[おもほしけめか],あまざかる,ひなにはあれど,いはばしる,あふみのくにの,ささなみの,おほつのみやに,あめのした,しらしめしけむ,すめろきの,かみのみことの,おほみやは,ここときけども,おほとのは,ここといへども,はるくさの,しげくおひたる,かすみたつ,はるひのきれる,[かすみたつ,はるひかきれる,なつくさか,しげくなりぬる],ももしきの,おほみやところ,みればかなしも,[みればさぶしも]

[左注]

[校異]書盡 [元][類][冷] / 母毛 [元][類][冷]

[,,],雑歌,作者:柿本人麻呂,荒都歌,大津,鎮魂,地名,枕詞,地名,滋賀

--------------------------------------------------------------------------------

[題詞](過近江荒都時柿本朝臣人麻呂作歌)反歌

[原文]樂浪之思賀乃辛碕雖幸有大宮人之船麻知兼津

[訓読]楽浪の志賀の辛崎幸くあれど大宮人の舟待ちかねつ

[仮名],ささなみの,しがのからさき,さきくあれど,おほみやひとの,ふねまちかねつ

[左注]

[校異]

[,,],雑歌,作者:柿本人麻呂,荒都歌,大津,鎮魂,地名,滋賀

--------------------------------------------------------------------------------

((過近江荒都時柿本朝臣人麻呂作歌)反歌)[題詞]

[原文]左散難弥乃志我能 [一云比良乃] 大和太與杼六友昔人二亦母相目八毛 [一云将會跡母戸八]

[訓読]楽浪の志賀の [一云比良の] 大わだ淀むとも昔の人にまたも逢はめやも [一云逢はむと思へや]

[仮名],ささなみの,しがの,[ひらの],おほわだ,よどむとも,むかしのひとに,またもあはめやも,[あはむとおもへや]

[左注]

[校異]二 [類][古] 尓

[,,],雑歌,作者:柿本人麻呂,荒都歌,大津,鎮魂,地名,滋賀

--------------------------------------------------------------------------------

[題詞]高市古人感傷近江舊堵作歌 [或書云高市連黒人]

[原文]古人尓和礼有哉樂浪乃故京乎見者悲寸

[訓読]古の人に我れあれや楽浪の古き都を見れば悲しき

[仮名],いにしへの,ひとにわれあれや,ささなみの,ふるきみやこを,みればかなしき

[左注]

[校異]

[,,],雑歌,作者:高市黒人,荒都歌,大津,地名,滋賀

--------------------------------------------------------------------------------

[題詞](高市古人感傷近江舊堵作歌 [或書云高市連黒人])

[原文]樂浪乃國都美神乃浦佐備而荒有京見者悲毛

[訓読]楽浪の国つ御神のうらさびて荒れたる都見れば悲しも

[仮名],ささなみの,くにつみかみの,うらさびて,あれたるみやこ,みればかなしも

[左注]

[校異]

[,,],雑歌,作者:高市黒人,荒都歌,大津,国魂,地名,滋賀

--------------------------------------------------------------------------------

[題詞]幸于紀伊國時川嶋皇子御作歌 [或云山上臣憶良作]

[原文]白浪乃濱松之枝乃手向草幾代左右二賀年乃經去良武 [一云年者經尓計武]

[訓読]白波の浜松が枝の手向けぐさ幾代までにか年の経ぬらむ [一云年は経にけむ]

[仮名],しらなみの,はままつがえの,たむけくさ,いくよまでにか,としのへぬらむ,[としはへにけむ]

[左注]日本紀曰朱鳥四年庚寅秋九月天皇幸紀伊國也

[校異]曰 [冷][紀][細] 云

[,,],雑歌,作者:川島皇子,山上憶良,代作,紀州,和歌山,行幸,植物,地名

--------------------------------------------------------------------------------

[題詞]越勢能山時阿閇皇女御作歌

[原文]此也是能倭尓四手者我戀流木路尓有云名二負勢能山

[訓読]これやこの大和にしては我が恋ふる紀路にありといふ名に負ふ背の山

[仮名],これやこの,やまとにしては,あがこふる,きぢにありといふ,なにおふせのやま

[左注]

[校異]

[,,],雑歌,作者:阿閇皇女,羈旅,妹背,行幸,和歌山,紀州,地名,土地讃美

--------------------------------------------------------------------------------

幸于吉野宮之時柿本朝臣人麻呂作歌[題詞]

[原文]八隅知之吾大王之所聞食天下尓國者思毛澤二雖有山川之清河内跡御心乎吉野乃國之花散相秋津乃野邊尓宮柱太敷座波百礒城乃大宮人者船並弖旦川渡舟<競> 夕河渡此川乃絶事奈久此山乃弥高<思良>珠水激瀧之宮子波見礼跡不飽可<問>

[訓読]やすみしし我が大君のきこしめす天の下に国はしもさはにあれども山川の

清き河内と御心を吉野の国の花散らふ秋津の野辺に宮柱太敷きませばももしきの大宮人は舟並めて朝川渡る舟競ひ夕川渡るこの川の絶ゆることなくこの山のいや高知らす水激る瀧の宮処は見れど飽かぬかも

[仮名],やすみしし,わがおほきみの,きこしめす,あめのしたに,くにはしも,さはにあれども,やまかはの,きよきかふちと,みこころを,よしののくにの,はなぢらふ,あきづののへに,

ふとしきませば,ももしきの,おほみやひとは,ふねなめて,あさかはわたる,ふみやばしら,

なぎほひ,ゆふかはわたる,このかはの,たゆることなく,このやまの,いやたかしらす,みづはしる,たきのみやこは,みれどあかぬかも

[左注](右日本紀曰三年己丑正月天皇幸吉野宮八月幸吉野宮四年庚寅二月幸吉野宮五月幸吉野宮五年辛卯正月幸吉野宮四月幸吉野宮者未詳知何月従駕作歌)

[校異]並 [古][紀] 并 / 竟競 [元][類][紀] / 良思思良 [元][類][紀] / 聞問 [元][類][冷]

[,,],雑歌,作者:柿本人麻呂,吉野,離宮,行幸,従駕,宮廷讃美,国見,地名,枕詞

--------------------------------------------------------------------------------

[題詞](幸于吉野宮之時柿本朝臣人麻呂作歌)反歌

[原文]雖見飽奴吉野乃河之常滑乃絶事無久復還見牟

見れど飽かぬ吉野の川の常滑の絶ゆることなくまたかへり見む[訓読]

[仮名],みれどあかぬ,よしののかはの,とこなめの,たゆることなく,またかへりみむ

[校異]

[,,],雑歌,作者:柿本人麻呂,吉野,離宮,行幸,従駕,宮廷讃美,国見,地名

--------------------------------------------------------------------------------

[題詞](幸于吉野宮之時柿本朝臣人麻呂作歌)

[原文]安見知之吾大王神長柄神佐備世須登 <芳>野川多藝津河内尓高殿乎高知座而上立國見乎為<勢><婆>疊有青垣山々神乃奉御調等春部者花挿頭持秋立者黄葉頭<刺>理 [一云黄葉加射之] <逝>副川之神母大御食尓仕奉等上瀬尓鵜川乎立下瀬尓小網刺渡山川母依弖奉流神乃御代鴨

[訓読]やすみしし我が大君神ながら神さびせすと吉野川たぎつ河内に高殿を高知りまして登り立ち国見をせせばたたなはる青垣山山神の奉る御調と春へは花かざし持ち秋立てば黄葉かざせり [一云黄葉かざし] 行き沿ふ川の神も大御食に仕へ奉ると上つ瀬に鵜川を立ち下つ瀬に小網さし渡す山川も依りて仕ふる神の御代かも

[仮名],やすみしし,わがおほきみ,かむながら,かむさびせすと,よしのかは,たぎつかふちに,たかとのを,たかしりまして,のぼりたち,くにみをせせば,たたなはる,あをかきやま,やまつみの,まつるみつきと,はるへは,はなかざしもち,あきたてば,もみちかざせり,[もみちばかざし],ゆきそふ,かはのかみも,おほみけに,つかへまつると,かみつせに,うかはをたち,しもつせに,さでさしわたす,やまかはも,よりてつかふる,かみのみよかも

[校異]吉芳 [元][類][紀] / <> 勢 [冷] / 波婆 [元] / 判刺 [元][類][紀] / 遊逝

[元][,,],雑歌,作者:柿本人麻呂,吉野,離宮,行幸,従駕,宮廷讃美,国見,地名

--------------------------------------------------------------------------------

[題詞](幸于吉野宮之時柿本朝臣人麻呂作歌)反歌

[原文]山川毛因而奉流神長柄多藝津河内尓船出為加母

[訓読]山川も依りて仕ふる神ながらたぎつ河内に舟出せすかも

[仮名],やまかはも,よりてつかふる,かむながら,たぎつかふちに,ふなでせすかも

[左注]右日本紀曰三年己丑正月天皇幸吉野宮八月幸吉野宮四年庚寅二月幸吉野宮五月

五年辛卯正月幸吉野宮四月幸吉野宮者未詳知何月従駕作歌幸吉野宮

[校異]

[,,],雑歌,作者:柿本人麻呂,吉野,離宮,行幸,従駕,宮廷讃美,国見,地名

--------------------------------------------------------------------------------